தருமபுரி இளவரசன் செத்தான்.. சாதியம் ஜெயித்தது...

சாதிவெறிபிடித்த
பஞ்சப் பரதேசிகளே

சாதிய போதையை
குருதியில் குதிரைபோல்
ஓடவிடும்
அயோக்கிய ஆசாமிகளே

தருமபுரி இளவரசன் செத்தான்

இப்போது சொல்லுங்கள்
உங்கள் சாதியால்
நீங்கள் சாதிச்சது என்ன ?

பல கிராமத்தை எரித்ததும்
ஒரு உன்னதமான
காதலைப் பிரித்ததும்தானே

முண்டாசுக் கவிஞனே
முறுக்கு மீசைக்காரனே 
சாதிகள் இல்லையடி பாரதியே
மன்னித்துக்கொள்

நீ பிறந்த மண்ணில்
மீண்டுமொருமுறை
சாதியம் ஜெயித்தது

சாதியால் கட்டுண்ட கயவர்களே
ஈயிக்கும் இணையற்ற ஈனர்களே
இளவரசன் பாடை ஏறினான்
அவன் இறந்தும் வாழ்வான்

ஆனால்
நீங்கள் இருந்தும்
அழுகிப்போன
பிணத்திற்குச் சமம் !

கனத்த மனதுடன்,
அகல்